Kryetari i Prishtinës, Përparim Rama, ka marrë pjesë në Festivalin Global të Gastronomisë Shqiptare në Berlin, ku ka prezantuar Master Planin transformues të Gollakut përpara një audience ndërkombëtare prestigjioze.
Ky plan synon të promovojë Gollakun si një destinacion unik për turizmin, bujqësinë dhe agroturizmin duke tërhequr interesin e investitorëve dhe të profesionistëve nga e gjithë bota.
Rama gjithashtu ka pasur një takim të veçantë me legjendat e gastronomisë shqiptare, Bruno Selimaj dhe Sabit Bytyqi.
Festivali, që bashkoi traditat dhe shijet e kuzhinës shqiptare, ka forcuar pozicionin e shqiptarëve në skenën ndërkombëtare të turizmit dhe të gastronomisë. /Kosovatimes/
