Zëvendësministri i Bujqësisë, i Pylltarisë dhe i Zhvillimit Rural, Imri Demelezi, në një deklaratë dërguar mediave ka theksuar se qeverisja e komunës së Vitisë sipas tij ka pranuar gabimin lidhur me mos ekzekutimin e pagave për mësimdhënësit.
Deklarata e plotë për media:
I dyti i komunës, Bekim Azizi, kryesues i kuvendit komunal, në mënyrë indirekte me postimin në Facebook e pranon gabimin e qeverisjes komunale. Kryetari i degës së PDK-së, Bekim Azizi, që është në bashkëqeverisje me LDK-në e Sokol Halitit pranojnë gabimet e tyre, duke deklaruar citat “…pas konsultimeve me profesionistë është i gatshëm të shtyjë çdo nismë për ndryshime buxhetore…për të i dhënë zgjidhje”.
Me këtë deklarim Bekim Azizi e pranon që ndryshimi buxhetor është zgjidhja e vetme për kryerje të pagesave ndaj mësimdhënësve të Vitisë! Ashtu siç kishin deklaruar zv.ministrat Vitias, Arsim Ademi dhe Imri Demelezi se zgjidhja duhet të vij nga komuna sepse përgjegjësia është e komunës pas konsultimeve me ministrin Hekuran Murati. Ligji Nr. 03/L-068 për arsim në komunat e Republikës së Kosovës është përgjegjësi ekskluzive e komunës sipas Neni 4. Pararagrafi 4.1. Citat: “Neni 4 Kompetencat dhe Kompetencat e Zgjeruara të Komunave 4.1 Komunat kanë kompetenca të plota dhe ekskluzive, për aq sa ato i takojnë interesit lokal, ndërkohë që respekton standardet e përcaktuara sipas legjislacionit në fuqi në lidhje me dispozitat e arsimit publik parashkollor, fillor dhe të mesëm, duke përfshirë regjistrimin dhe licencimin e institucioneve arsimore, marrjen në punë, pagesën e rrogave dhe aftësimin e mësimdhënësve dhe administratorëve.” mbaron citati. Njëkohësisht ata kishin postuar fakte zyrtare se kryetari Sokol Haliti ka qenë i njoftuar me kohë, paralajmëruar dhe i vetmi që e bllokuar sistemit si pasojë e mos përshtatjes buxhetore si zyrtar kryesor administrativ! Sindikata dhe personeli mësimdhënës duhet të kërkojnë përgjegjësinë te qeverisja komunale dhe jo të bëhen vegla e manipuluese të Sokol Haliti! Pas këtij skandali, stresi dhe presioni ndaj mësimdhënësve të komunës së Vitisë a do të ketë pasoja ligjore kryetari Haliti apo do të pason me dorëheqje? Pasi për të njëjtin, pra problemin e shkaktuar nga keqmenaxhim buxhetore kishte përmendur me dorëheqje ministrat dhe akuzuar zv.ministrat e komunës së Vitisë kinse për ndërhyrje. Tani të mësimdhënësit mbeten me shpresë dhe presin komunën të bëj rregullimet buxhetore që të ju ekzekutohen pagesat nga thesari por edhe për muajt e ardhshëm sikurse thesari ju ka kërkuar. /Kosovatimes/
