Komandanti i Forcës së Sigurisë së Kosovës, Gjenerallejtënant Bashkim Jashari priti sot në takim Komandantin e Kontingjentit Turk në Kosovë, Kolonel Zafer Saglam.
FSK njofton se në takim u fol për zhvillimin e Forcës si dhe për mundësitë bilaterale lidhur me trajnimet, dhe aktivitetet tjera të përbashkëta të cilat do të mund të realizohen në bashkëpunim dypalësh.
Tutje thuhet se gjithashtu u fol edhe mbi bashkëpunimin e mirë me njësitë e FSK-së dhe vazhdimin e mëtutjeshëm në fusha të zhvillimit të përbashkët.
“Gjeneral Jashari ka falënderuar Kolonel Saglam për mbështetjen e vazhdueshme që kontingjenti turk jep për Forcën e Sigurisë së Kosovës”, thuhet në njoftim. /Kosovatimes/
