Presidentja e Kosovës, Vjosa Osmani, ka takuar mërgatën tonë në Francë.
Në një postim në Facebook, Presidenca e Republikës së Kosovës, bëri të ditur se Osmani me këtë rast shprehu mirënjohjen për angazhimin e tyre ndaj Kosovës, duke thënë se shteti i Kosovës mban edhe vulën e mërgatës sonë të çmuar.
“Dje, Presidentja Vjosa Osmani takoi mërgatën tonë të jashtëzakonshme në Francë. Në fjalën e saj, Presidentja Osmani shprehu mirënjohjen për angazhimin e pakursyer të tyre ndaj Republikës sonë, duke thënë se shteti i Kosovës mban edhe vulën e mërgatës sonë të çmuar”, thuhet në njoftimin e Presidencës së Republikës së Kosovës. /Kosovatimes/
