Komuna e Vushtrrisë ka nisur zgjerimin e shtratit të lumit Tërstena.
“Ura e lumit Tërstena në afërsi të Muzeut në vazhdimësi ka qenë pikë kritike për vërshim të qytetit, andaj për të parandaluar një situatë të tillë sot kanë filluar punimet për zgjerimin e shtratit të lumit Tërstena”, ka njoftuar kryetari Ferit Idrizi.
Ai ka thënë se për të minimizuar mundësinë e vërshimeve, po punohet drejt pastrimit dhe zgjerimit të shtretërve. /Kosovatimes/
