Shkruan: Shenoll MUHARrEMI
Po e përcjell Panelin Ekonomik të LVV nga Këshilli i Përgjithshëm. Bislimi, Murati dhe tjerët po flasin për ekonomi por apo me zell po i shmangin dy problemet kryesore të ekonomisë së Kosovës: Deficitin tregtar dhe inflacionin apo çmimet astronomike në markete. Kemi humbje 50% të ekonomisë apo 5 miliardë euro në vit përmes deficitit tregtar, por atyre ju bëjnë përshtypje disa milionë më shumë taksa që janë grumbulluar në buxhet nga çmimet e larta t inflacionit. Mos u tregoni frikacak kur janë në pyetje sfidat kryesore. Asnjë panelist nuk përmendin asnjë fjalë për deficitin dhe humbjet tregtarë që po nxjerrin jashtë vendit 50% të ekonomisë në vit. E as për inflacionin që ka shkatërruar xhepat dhe fuqinë blerëse të familjeve dhe qytetarëve. Po përmenden disa vende të punës që kryesisht janë formalizime të punësimit e jo gjenerim real i punësimit. Por elefanti në dhomë për qeverinë Kurti dhe ekonominë e Kosovës është bilanci tregtar që është rritur 7 herë më shumë sesa është rritur eksporti në vëllim gjatë mandatit të qeverisë. Derisa eksporti është rritur disa qindra milionë, importi dhe deficiti është rritur me miliarda, së paku 2 miliardë më shumë. Përpos diplomacisë, ekonomia mbetet fusha që LVV ka menaxhuar më se dobëti gjatë mandatit të qeverisë. Vetëm qeveria në letër është e kënaqur me ekonominë, se qytetari po ndihet shumë ‘nervoz’ te ardhja e marketit.
