Shkruan: Agim BAJRAMI
Thirrja në sovranitetin e shtetit e përjashton Kosovën nga agjenda integruese në BE dhe proceset tjera politike e diplomatike. Kosova në marrëdhëniet ndërkombëtare po ndjek politika të jashtme të stilit klandestin të partisë së VV-së. Politikëbërja ndërkombëtare, tanimë e ka të vështirë të bisedoj me Qeverinë e Kosovës, pasi zyrtarët qeveritarë të Kosovës, obligimet ndërkombëtare që dalin nga marrëveshjet e nënshkruara nga Kosova, e normat juridike të së Drejtës Ndërkombëtare i shohin si çështje partiake të LVV, e cila udhëheq dhe vepron pa kurrfarë niveli të bazamenti e të kulturës politike , e të zbatueshmerisë së ligjeve të aplikueshme. Qeveria gjermane, dhe politikëbërja ndërkombëtare, tani më ,po i paralajmëron votuesit kosovar, se mos zbatimi i obligimeve ndërkombëtare nga shteti i Kosovës i cili qeveriset nga LVV, siç është marrëveshja e CEFTA-s dhe rregullat e qarkullimit të lirë të mallrave(kapitalit), personave dhe shërbimeve, tërheq konsekuencat tek qytetarët kosovarë, për ndëshkim, për shkak të qeverisë së votuar nga ta, në mos përmbushjen e të drejtës evropiane dhe ndërkombëtare, që është synimi dhe qëllimi kryesor i Kosovës dhe qytetarëve të saj, për t’u bërë pjesë e familjes evropiane. Dhe qytetarët kosovarë, duhet të lirohen nga propaganda demagogjike e Qeverisë së Kosovës, se përjashtimi i mundshëm real nga CEFTA dhe mekanizmave tjerë evropiane dhe më gjerë, tërheq në veti ,pasojat e falimentimit të Kosovës ,ekonomikisht,politikisht, dhe për rrjedhojë edhe mundësia reale e zhbërjes së shtetit të Kosovës me fajin e vetë votuesve dhe të votuarve. Dhe atëherë ,mos fajësoni të tjerët për fajin e atyre që vetë i votoni.
