Një plagosje me armë zjarri ka ndodhur në rrugën “Shemsi Ahmeti” në Mitrovicë.
Një person ka mbetur i lënduar si pasojë e ngjarjes, konfirmon për RTKlive zëdhënësi i policisë për rajonin e Mitrovicës, Ilmi Prekazi.
“Një mashkull rreth moshës 38-vjeçare është plagosur me armë zjarri në rrugën ‘Shemsi Ahmeti’ në Mitrovicë. Ai është dërguar për tretman mjekësor në Spitalin Rajonal të vendit”, ka thënë Prekazi.
Tutje bëhet e ditur se njësitet kompetente po merren me rrethanat për të zbardhur rastin.
