Kryetari i Prishtinës, Përparim Rama, u bashkua sot me qytetarët në sheshin “Skënderbeu” për të mbështetur gratë që luftojnë kundër kancerit të gjirit.
Rama theksoi rëndësinë e parandalimit dhe kujdesit të shëndetit, duke nënvizuar se qyteti ofron mamografi falas në tri Qendra të Mjekësisë Familjare dhe ndihmë financiare prej 250 eurosh për të diagnostifikuarit.
“Zbulimi i hershëm shpëton jetë,” u shpreh ai duke bërë thirrje për ndërgjegjësim të vazhdueshëm dhe solidaritet. /Kosovatimes/
