Sulmuesi i Argjentinës, Alejandro Garnacho, do të mungojë në ndeshjet kualifikuese të Kupës së Botës kundër Venezuelës dhe Bolivisë për shkak të shqetësimit në gjurin e majtë, ka bërë të ditur ekipi të hënën.
Argjentina, e cila kryeson tabelën me tetëmbëdhjetë pikë nga tetë ndeshje, viziton Venezuelën që është në vendin e gjashtë të enjten dhe të martën e ardhshme e pret Bolivinë, që renditet e teta.
Garnacho fillimisht ishte thirrur për këto dy ndeshje, por trajneri Lionel Scaloni e ka zëvendësuar atë me Facundo Buonanotte të Leicester City.
Garnacho ka shtatë paraqitje dhe në korrik ishte pjesë e “gauçosëve” në “Copa America”, ku Argjentina ka fituar titullin e gjashtmbëdhjetë.
