Pas një hetimi të gjatë dhe nën survejimin e policisë kriminale, dy persona punonjës të “Pallatit të Rinisë” kanë përfunduar në pranga për shkak të përvetësimit të fondeve duke keqpërdorë detyrën zyrtare.
Dy të dyshimtit janë gjetur në befasi nga pjesëtarë të krimeve ekonomike të cilët kanë zbarkuar në orët e mëngjesit në Pallatin e Rinisë, për t’ju dëshmuar urdhëron e arrestit të lëshuar nga organet e ndjekjes penale.
Gjatë këtij aksioni hetuesit e Sektorit për Hetimin e Krimeve Ekonomike nga Policia e Kosovës, kanë realizuar arrestimin e dy personave të dyshuar me dyshimet për përvetësim të kundërligjshëm të fondeve gjatë vitit 2022 në NP “Pallati i Rinisë” në Prishtinë.
Të arrestuarit A.Z. dhe F. Rr. dyshohet se kanë kryer veprat penale: ‘’Keqpërdorim i pozitës apo autoritetit zyrtar’’ nga neni 414 i KPRK-së dhe ‘’Përvetësimi në detyrë’’ nga neni 418 i KPRK-së.
Gjatë këtij aksioni është kryer kontroll i detajuar në ambientet e punës së të dyshuarve, ku janë sekuestruar:
- 2 telefona celular;
- dokumente të rëndësishme për procedurën hetimore;
- 1 armë zjarri me 10 fishek.
Me aktvendim të Prokurorit nga PSRK të dyshuarit dërgohen në mbajtje për 48 orë, ndërsa hetimet vazhdojnë për të identifikuar çdo person tjetër që mund të jetë i përfshirë në këtë aktivitet kriminal. /Kosovatimes/
