Atleti kenian Kipjegon Bet (26) vdiq në spital pas komplikimeve shëndetësore. Në raportimin e mediave vendase thuhet se ai ka dëmtuar mëlçinë dhe disa organe të tjera.
Ai kaloi disa ditë në spital pasi raportoi se nuk ndihej mirë dhe po derdhte gjak.
Lajmin e hidhur e ka konfirmuar motra e tij, gjithashtu sportiste, Pjuriti Kirui.
Bett ishte një ish-kampion bote në vitin 2016 nën 20 vjeç në 800 metra dhe pronar i medaljes së argjendtë në Stafetën Botërore 2017 në disiplinën 4×800, si dhe i bronzit botëror në 800 metra në 2017 në Londër.
Ai u pezullua disa vite më vonë pasi doli pozitiv për substancën e ndaluar EPO, por u rikthye në vitin 2022. Megjithatë, ai nuk u kthye më në nivelin e mëparshëm.
