Njësitet speciale të policisë kanë nisur një aksion tek “Pallati i Rinisë”, pas një urdhri nga Prokuroria Speciale e Kosovës.
Policia po realizon bastisje në “Pallatin e Rinisë” në Prishtinë, teksa deri tani janë arrestuar dy persona.
Ndërkohë “Pallati i Rinisë” ka reaguar përmes një komunikate për media. Ata kanë njoftuar se po bashkëpunojnë me organet përkatëse.
“Bordi i Drejtorëve të NPL “Pallati i Rinisë” Sh.A. në përgjigje të hetimit të nisur nga njësia e krimeve ekonomike, informojmë opinionin publik se jemi duke bashkëpunuar plotësisht me autoritetet përkatëse. Ne kemi ofruar dhe do të vazhdojmë të ofrojmë qasje të plotë në Pallat, si dhe kemi hapur të gjitha të dhënat tona sipas kërkesave të tyre. Qasja jonë e plotë dhe e hapur ndaj procesit hetimor do të vazhdojë, me qëllim lehtësimin e hetimit dhe ndriçimin e çdo aspekti të rëndësishëm”, thuhet në njoftim. /Kosovatimes/
