Ish-sulmuesi argjentinas, Sergio Aguero, ka kërkuar tre milionë euro nga klubi i Barcelonës.
Sipas raportimeve nga “Mundo Deportivo”, tridhjetë e gjashtë vjeçari pretendon se kjo shumë i takon nga një marrëveshje që kishte me klubin pas largimit të tij nga futbolli për shkak të problemeve me zemrën. Ndërkohë që Barcelona po përgatit raportin e saj vjetor financiar, çështja e Agüeros pritet të shqyrtohet për vlerësim, megjithatë klubi ende nuk ka ndonjë informacion të qartë lidhur me këtë pretendim.
Aguero qëndroi shumë pak kohë te Barcelona, pasi shumicën e karrierës së tij të bujshme e kaloi me Manchester City, ku luajti nga viti 2011 deri në 2021. Ai gjithashtu ka luajtur për Atletico Madrid dhe Independiente.
