Rritet në 19 numri i nxënëseve të cilat, të nxitura nga “Tik-Tok”-u, po dyshohet se e kanë lënduar veten. Këtë sapo e ka konfirmuar drejtoresha për Arsim në Gjakovë, Eranda Kumnova-Baçi.
Sipas saj, rastet e tilla po identifikohen pas angazhimeve të shtuara të prindërve, mësimdhënësve dhe drejtorive të shkollave në Gjakovë.
Sipas burimeve të RTK-së, këto 19 raste janë në katër shkolla të komunës së Gjakovës. Mosha e nxënësve është nga kl VI-IX. Bëhet me dije se të 19 rastet janë nxënëse.
Ngjarjet e ditëve të fundit i ka konfirmuar edhe policia e Kosovës në Gjakovë.
Zëdhënësi Sheremet Elezaj tha për RTK- në se pas njoftimit nga drejtoria e arsimit në Gjakovë lidhur me rastet e vetë-lëndimit të nxënësve policia menjëherë ka marrë veprimet e nevojshme.
Deri me tash janë intervistuar 13 raste ndërsa intervistimi po vazhdon edhe për 6 rastet më të reja tha Elezaj përmes telefonit.
