Peja ka realizuar fitore në ndeshjen e mbetur të javës së dytë të ProCredit Superligës në basketboll, duke mposhtur Proton Cable Prizrenin.
Rezultati përfundimtar ka qenë 96:77 (26:25, 23:14, 21:27, 26:11).
Çereku i parë ka qenë kryesisht i barabartë, ku herë njëra e herë tjetra skuadër kalonte në epërsi. Në periudhën e dytë, prizrenasit kanë kaluar në epërsi 26:30, por një seri prej 12:0 e vendasve bëri që të kalojnë në epërsi.
Perioda e tretë është karakterizuar me shumë kthesa. Pejanët kanë qenë duke fituar, por verdhezinjtë nuk janë dorëzuar dhe kanë kaluar sërish në epërsi.
Më i miri te Peja ka qenë Darrnell Cowart me 24 pikë e 12 kërcime, derisa te Proton Cable Prizreni më i miri ka qenë Lenzelle Smith me 22 pikë e tetë kërcime.
