Policia e Kosovës në kuadër të angazhimit të vazhdueshëm për avancimin e aftësive profesionale të zyrtareve policore femra, ka organizuar trajnimin intensiv të programit të ri amerikan “Police Combat Systems”, me temën “teknikat e vetëmbrojtjes dhe reagimi operativ”.
Ky trajnim u mbajt nga data 5 deri më 7 tetor 2024 me ç’rast u certifikuan 24 zyrtare policore femra të njësive të ndryshme të Policisë së Kosovës.
Qëllimi i këtij trajnimi ka qenë ngritja e mëtejme e aftësive të zyrtareve policore në përballje me situata të ndryshme emergjente dhe sfiduese. /Kosovatimes/
