Sot është bërë zhbllokimi zyrtar i Marrëveshjes së Tregtisë së Lirë të Evropës Qendrore (CEFTA), dhe nga tani e tutje Kosova nuk do të përfaqësohet më me emrin UNMIK, por me emrin Kosovë.
Arta Tahiri-Beqa, njohëse e zhvillimeve politike, tha për “Lajmet e Fundit” në RTK se pjesëmarrja e Kosovës në CEFTA është shumë e rëndësishme, edhe pse e vonuar.
“Sigurisht, kjo është shumë e rëndësishme për Kosovën, megjithëse ka ndodhur me vonesë. Misioni i UNMIK-ut ka përfunduar prej shumë vitesh. Kjo nuk është e rastësishme, pasi BE-ja ka objektiva në kuadër të dialogut ndërmjet Kosovës dhe Serbisë,” tha ajo.
Sipas Tahiri-Beqës, për të arritur këtë dakordim është bërë marrëveshje, duke përfshirë edhe lejimin e importit të mallrave serbe përmes një pike kufitare të Kosovës.
