Presidenti i Serbisë, Aleksandar Vuçiq, ka takuar sot Zëvendës Ndihmës Sekretarin e Shtetit të SHBA-së për Ballkanin Perëndimor, Aleksandar Kasanof, dhe ka theksuar kushtet pothuajse të pamundura në të cilat jeton populli serb në Kosovë e Metohi.
“Duke folur për situatën në rajon, në radhë të parë theksova situatën jashtëzakonisht të vështirë dhe komplekse në Kosovë dhe Metohi dhe theksova kushtet pothuajse të pamundura në të cilat jeton populli serb në Kosovë dhe Metohi. Theksova se dialogu konstruktiv kërkon dy anë, dhe se Serbia mbetet e përkushtuar për bisedë dhe zgjidhje paqësore të problemeve, pavarësisht përshkallëzimit të panevojshëm të njëanshëm të tensioneve”, ka shkruar Vuçiq në Instagram.
