Për shkak të dëmtimit të shkaktuar nga organet Helena dhe Milton, Taylor Swift vendosi të dhurojë pesë milionë dollarë për të ndihmuar popullatën e cenueshme.
Drejtoresha e organizatës joqeveritare “Feeding America” Claire Babineaux-Fontenot në një postim në Instagram ka theksuar se janë jashtëzakonisht mirënjohëse për këtë donacion.
“Kjo shumë do të ndihmojë komunitetet të rindërtohen dhe të rimëkëmben, duke ofruar ushqim, ujë të pastër dhe furnizime thelbësore për njerëzit e prekur nga këto stuhi shkatërruese. Së bashku, ne mund të bëjmë shumë për të ndihmuar familjet ndërsa përballen me sfidat përpara,” theksoi ajo.Swift ka qenë pjesë e shumë aksioneve para dhe vitin e kaluar dhuroi një milion dollarë për të ndihmuar pas stuhive që goditën Tenesin. Ajo gjithashtu dhuroi 100,000 dollarë për familjen e një gruaje 44-vjeçare e cila u vra në një të shtëna gjatë festës së fitores së Super Bowl të Kansas City Chiefs.
Pas suksesit historik të “Eras Tour” dhe popullaritetit të qëndrueshëm të muzikës së saj, Taylor Swift është bërë zyrtarisht muzikantja më e pasur në botë. Pasuria e saj neto e vlerësuar është 1.6 miliardë dollarë. Prandaj, dëshira e saj për të ndihmuar dhe vlera e donacioneve nuk janë të habitshme.
Fenomeni i popullaritetit të Taylor Swift intrigon botën, madje profesorë universiteti janë përpjekur ta shpjegojnë. Gazetarët e lidhin famën e Swift me “amerikanizmin” dhe e përshkruajnë atë si “historinë thelbësore të suksesit amerikan”.
