Ish-deputeti, Haxhi Shala, i cili është në proces gjyqësor në Dhomat e Specializuara në Hagë, ka arritur sot në Kosovë.
Lajmin e bëri të ditur djali i tij, Edmond Shala përmes një postimi në Facebook ka shkruar.
“Jeta na ka vënë përballë dhimbjeve të papërshkrueshme. Sot po shkruaj për babain tim, i cili humbi të atin e tij, gjyshin tim të dashur, një njeri i ndershëm dhe i palodhur”, ka shkruar ai nw Facebook.
Djali i tij ka shkruar se Shala po mbahet padrejtësisht në burgjet e Hagës, larg familjes së tij, larg dashurisë së tij.
“Nuk ka fjalë që mund të përshkruajnë vuajtjen e një familjeje kur një njeri i pafajshëm mbahet larg për kaq shumë kohë. Por ne nuk humbasim shpresën. Lutemi për drejtësi dhe për një ditë të ndriçuar, kur ai do të kthehet në mesin tonë, ashtu siç e meriton. Zemrat tona janë të thyera, por dashuria jonë për të mbetet e pathyeshme”, ka shkruar ndër të tjera djali i Haxhi Shalës. /Kosovatimes/
