Naim Miftari, ish-eprori i lartë i UÇK-së dhe ish-agjenti i SHIK-ut, ka ironizuar ashpër me opozitën në Kosovë, në formën e tij duke I drejtuar një lloj letre të hapur Mimoza Kusarit, të cilën e kritikon, me ironi, duke I bërë edhe disa pyetje po ashtu ironike pse dhe si ka vepruar e si nuk ka vepruar.
Reagimi i Miftarit vjen përderisa Mimoza Kusari po akuzohet se ka biseduar në telefon me Milan Radoiçiqin.
Pyetjet e Miftarit janë ironizim indirekt me opozitën, e të cilat ia ka drejtuar Mimoza Kusarit.
Më poshtë po e sjellim postimin e plotë:
Pse Mimozë, pse!
Pse Mimozë ke, fol, por nuk je taku, me nejt këmbëkryq live me Radoiçiqin, sikurse rrishim ne?
Pse Mimozë na keni ndjek me pushkë Radoiçiqin kur e kemi pas liruar ne?
Pse mos me mbajtë Mimozë ju qeverinë me listën serbe, sikurse ne?
Pse Mimozë mos me taku në zyre live, sikurse ne?
Pse Mimozë mos me bë biznes e miliona me Radoiçiqin e Veselinoviqin, sikurse ne?
Pse Mimozë s’i ke shkuar në vizitë Radoiçiqit në veri në qendrën e BIA-s serbe, sikurse ne?
Pse Mimozë nuk je shkuar në shtëpi te Radoiçiqi natën, sikurse i kemi shkuar ne?
Pse Mimozë nuk vjedhni ju miliona bashkë me Radoiçiqin siç kemi vjedh ne?
Pse Mimozë me kthye sovranitetin e Kosovës në veri e mos me lanë siç e lamë ne veriun në duar të Radoiçiqit, Simiqit, Rakiqit… e me lanë ligjin në dorë të Rojeve të urës siç e kemi lanë ne PDK-ja, LDK-ja, AAK-ja, AKR…!
