Aktivisti i çështjes kombëtare Halil Geci ka bërë të ditur se ka ardhur momenti i shumëpritur për të zbuluar të vërtetën rreth Komunikatës 59, të cilën e cilëson si një dokument të shkruar nga Hashim Thaçi. Sot, vëllai i tij, Fadil Geci, dëshmitar kyç, ka udhëtuar drejt Hagës për të dëshmuar para Gjykatës Speciale të Kosovës.
Sipas Gecit, kjo dëshmi do të zbulojë prapaskenat e vrasjeve politike të rugovistëve, duke përforcuar deklaratën e gjeneral Rexhep Selimit.
Halil Geci nënvizoi rëndësinë e kësaj dëshmie për zbardhjen e së vërtetës, që ai thotë se është kërkuar për 26 vite nga vëllezërit Geci.
Gjithashtu, ai bëri thirrje Kryeministrit Kurti që ta ndjekë me vëmendje procesin, për të mësuar të vërtetën rreth ngjarjeve të atëhershme.
Geci gjithashtu theksoi se Komunikata 59 ka shkaktuar vrasjen e dy shokëve dhe plagosjen e dy vëllezërve të tij.
Ai është i bindur se drejtësia më në fund do të triumfojë. /Kosovatimes/
