Analisti Shenoll Muharremi ka kritikuar Zyrën e Komunikimit të Vetëvendosjes për deklaratat e paqarta rreth fondeve të BE-së.
Ai ka theksuar se komunikatat e fundit, që pretendonin se Kosova përfiton 880 milionë euro nga Plani i Rritjes së BE-së, janë keqinformuese dhe nuk sqarojnë natyrën komplekse të fondeve.
Muharremi ka sqaruar se fondet nuk janë vetëm grante, por edhe hua që do të ndikojnë në të ardhmen e gjeneratave.
Ai gjithashtu theksoi se përfitimi i plotë i këtyre fondeve kushtëzohet nga zbatimi i detyrimeve të marrëveshjeve ndërkombëtare, përfshirë Asociacionin. /Kosovatimes/
