Anëtari i Kryesisë së LDK-së, Berat Rukiqi, ka reaguar ashpër ndaj situatës ekonomike të vendit duke theksuar se propaganda e qeverisë nuk mund të mbulojë realitetin e zymtë ekonomik.
Ai ka bërë një përllogaritje të thjeshtë për të treguar se paga mesatare neto në vitin 2023, e cila arrin në 506 euro, me inflacionin prej 22%, ka një vlerë reale prej vetëm 395 euro.
Rukiqi theksoi se rritja e pagave prej 17% gjatë katër viteve të fundit nuk mund të krahasohet me rritjen prej 22% të çmimeve, duke përfshirë një rritje dramatike prej 50% në çmimet e produkteve bazike si buka dhe vaji.
Sipas tij, 60% e të ardhurave të qytetarëve tashmë shkojnë për ushqime dhe barna, një rekord negativ krahasuar me vendet e tjera evropiane. /Kosovatimes/
