Anglia ka arritur një fitore të lehtë ndaj Finlandës me rezultatin 1-3 në ndeshjen e zhvilluar në “Olympiastadion”, duke u barazuar përkohësisht me Greqinë me nëntë pikë në krye të grupit 2 në Ligën B të Nations League.
Pavarësisht se nuk dukej në formën më të mirë, Anglia ia ka dalë të dominojë ndaj vendasve, duke shënuar herët dhe duke kontrolluar ndeshjen.
Anglezët kanë kaluar në avantazh që në minutën e tetëmbëdhjetë, kur Grealish ka finalizuar me sukses pas një asistimi të shkëlqyer nga Gomes.
Me këtë gol, Anglia e ka mbyllur pjesën e parë me epërsi minimale.
Në pjesën e dytë, skuadra e “tre Luanëve” ka vazhduar ta kërkonte golin e sigurisë.
Edhe pse portieri finlandez Lukas Hradecky ka bërë disa pritje, duke ndaluar tentimet e Cole Palmer dhe Declan Rice, ai nuk ka mundur ta ndalonte një goditje të përkryer nga Trent Alexander-Arnold, i cili realizoi një gol bukur nga goditja e lirë, duke e çuar rezultatin në 0-2.
I frymëzuar nga ky moment, Anglia ka shënuar edhe një herë kur Watkins, pas një veprimi të shkëlqyer individual, ka asistuar për Rice, i cili e shtyrë topin në rrjetë për golin e tretë.
Finlanda ia ka dalë ta shënojë golin e nderit në minutat e fundit, kur Arttu Hoskonen ka realizuar me kokë pas një goditjeje këndi.
