Në Mal të Zi jetojnë 89 milionerë

Sipas Bankës Qendrore të Malit të Zi, në këtë vend jetojnë 89 qytetarë të cilët kanë më shumë se një milion euro në llogaritë e tyre bankare komerciale. Përkundër faktit se numri i milionerëve në Mal të Zi po rritet, sipas ekspertëve, ata janë shumë të paktë në raport me numrin e banorëve. “Vlen të theksohet se një numër i madh milionerësh “të padukshëm” jetojnë edhe në Mal të Zi. Kjo është një kategori njerëzish që kanë arritur pasurinë e tyre në mënyra të ndryshme, por në të njëjtën kohë mbeten në zonën gri. Njerëz të tillë, natyrisht, nuk do t’i mbajnë kursimet e tyre në llogari të dukshme për Bankën Qendrore të Malit të Zi dhe preferojnë të tërheqin para jashtë shtetit”, thotë Ines Mrdovic nga organizata joqeveritare Action for Social Justice.