Që kur forcat ukrainase sulmuan rajonin rus të Kurskut, më shumë se 112,000 njerëz janë evakuuar nga ai rajon, por rreth 40,000 banorë të Kurskut kanë refuzuar evakuimin, tha sot Tatiana Moskalkova, Komisionerja për të Drejtat e Njeriut në Federatën Ruse.
Në një intervistë për uebsajtin Arguments and Facts, Moskalkova tha se, sipas të dhënave të Ministrisë së Situatave të Emergjencave Ruse, gjithsej 112,337 njerëz u evakuuan nga rajoni Kursk, nga të cilët 12,328 ishin banorë të qytetit të Kurskut, duke përfshirë 3685 fëmijë, transmeton RIA Novosti.
Deri më tani, në territorin e 65 rajoneve ruse janë hapur 960 qendra për strehimin e përkohshëm të qytetarëve të evakuuar për shkak të bombardimeve të Ukrainës.
