Mbi 500 mamografi janë kryer vetëm gjatë këtij vitit në Qendrën Kryesore të Mjekësisë Familjare në Ferizaj, ku 57 prej tyre janë në trajtim e sipër nga kanceri i gjirit.
Komuna njofton se në kuadër të aktiviteteve që po mbahen ndërgjegjësimin kundër kancerit të gjirit sot në sallën e Kuvendit të Komunës është mbajtur edhe një ligjëratë me këtë temë.
Hapjen e kësaj ligjërate e ka bërë drejtoresha e Qendrës Kryesore të Mjekësisë Familjare në Ferizaj Dr. Nadire Ymeri, e cila ka thënë se të gjithë duhet të kenë një kujdes më të madh që mos te preken nga kjo sëmundje.
Drejtori i Shëndetësisë dhe Mirëqenies Sociale Dr. Kemajl Emini, ka falënderuar gjithë stafin shëndetësor për të gjitha këto aktivitete që po zhvillohen gjatë këtyre ditëve.
Kurse Dr. Xhevdet Haxhidema, të pranishmit i ka njoftuar për të gjitha aktivitete që janë zhvilluar gjatë këtyre ditëve .
Gjatw ligjëratës dy të mbijetuara nga kanceri i gjirit, kanë shfaqur historinë e tyre përmes video-projektorit, dhe kanë bërë thirrje për të gjitha gratë dhe vajzat që të bëjnë kontrolle të rregullta.
Ndërkaq grupi i edukimit dhe promovimit shëndetësor i QKMF -së, infermierja Afërdita Muharremi, bashkë me Rexhep Jakajn kanë mbajtur një ligjëratë ” Parandalimi dhe zbulimi i hershëm i kancerit të gjirit”, ku u ndoq me interesim nga të pranishmit dhe kishte për qëllim informimin dhe këshillimin rreth kësaj sëmundje që prekë një numër të konsiderueshëm të gjinisë femërore fatkeqësisht me fatalitet, por në rastet kur zbulohet ne fazat e hershme është e shërueshme.
në tha se vetëm gjatë këtij viti janë kryer mbi 500 mamografi prej tyre 57 janë në trajtim e sipër nga kjo sëmundje.
