Shkruan: Skënder MULLIQI
Shpesh po përdoret fjala se serbët janë “prorus’ dhe më pak fjala ‘kukull” të regjimit rus. Dhe, sigurisht se ka një dallim. Me orientim prorus konsiderohen me të drejtë populli serb, ndërsa kur bëhet fjalë për regjimet në Serbi, po thuaj të gjitha regjimet ishin jo vetëm proruse, por regjime kukulla, si Vuçiqi një kukull i regjimit të diktatorit Vladimir Putin. Emisar i Vuçiqit në këtë drejtim është Aleksandër Vulin një famëkeq tjetër nga tabori i çetnikizmit të Sheshelit, si zëvendëskryeministër nga shefi I BIA-së. Edhe pse i shpallur non grata nga DASH, kjo nuk e pengoj Vuçiqin të avancon deri në zëvendës të tij. As që do të kishte bërë fjalë kush për këta dy kriminelë lufte dhe kriminelët e tjerë në pushtetin e Serbisë, po mos Serbinë hegjemoniste për taksirat ta kemi fqinjë që nuk ka mundësi të jetë më i keq, me poshtërsi deri në pafundësi. Vuçiqi doli hapur më tezën fashiste për bashkimin e të gjithë serbëve në një shtet. Vuçiq është kundër politikës perëndimore, edhe pse merr pjesë rregullisht në takimet e ndryshme të organizuara nga BE-ja. Presidenti serb është kunder politikës së qeverisë të Ukrainës, duke treguar empati ndaj atij vendi, dhe duke mos dënuar agresionin rus, dhe as nuk ka marrë masa të embargos të kërkuar nga BE-ja ndaj Rusisë. Vuçiqi në çdo hap po e mashtron dhe manipulon BE-në, sa për donacione të majme, e në anën tjetër dihet se është kukull i Putinit në Ballkan së bashku më Dodikun e RS-ka, Millatovqin dhe Mandiqin e Malit të Zi. Nuk qëndron larg ndikimit të Moskës as pushteti aktual në Maqedonin Veriore. As kjo Serbi e Vuçiqit si ato te regjimeve te mëparshme, nuk përjetojë katarsis pozitiv, dhe së nuk do të këtë bisedime serioze në kuadër të dialogut ndërmjet Prishtinës dhe Beogradit, sikur që edhe pamë deri më tash. Nuk ka bisedime serioze për normalizim të marrëdhënieve më një njeri I cili e mohon rregullisht gjenocidin serb në ish –Jugosllavi. Tash eksponenti politik i Millosheviqit, ka filluar agresionin politik të shoqëruar më kërcënime dhe akte të dhunës për Serbi të Madhe. Ky si nxitës dhe bashkëpunëtor i dukës çetnik, Vojisllav Sheshel, shtiret si budalla për të mbuluar poshtërsitë ndaj shqiptarëve dhe të tjerëve në rajon. Kosova prej kohësh po ndjekë një rrugë tjetër pro perëndimore dhe pro amerikane, për dallim nga Serbia e ndikimit të politikave të Rusisë dhe të Kinës. Serbia dhe Rusia, po dëshirojnë shtetet e Ballkanit ti mbajnë në sferën e ndikimit rus. Qëllimi i Serbisë është dalja në Detin Adriatik në pjesët e Malit të Zi, por edhe të Kroacisë, e në anën tjetër kan pretendime për dalje në Portin e Durrësit. Rusia dhe Serbia ka vite që përpiqet të minojë Perëndimin dhe të forcojë ndikimin e saj në Ballkan. BE-ja dhe Amerika këtyre skenarëve ogurzi në Evropë dhe në Ballkan duhet tua ndërpresin rrugën. Rajoni i Ballkanit, është bërë tashmë një “vatër tensionesh”, kryesisht i ekspozuar ndikimeve të Kremlinit dhe të Beogradit. Rusia e ka vendosur veten si një fuqi përçarëse, duke përdorur ndikimin e saj për të destabilizuar Ballkanin, për të minuar unitetin evropian dhe për të sfiduar demokracitë perëndimore. Bota perëndimore nuk guxon të rrezikon dorëzimin mbi një rajon jetik ndaj dy xhelatëve agresiv, si Putin dhe Vuqiq. Rusia dhe Serbia po bëjnë të pa mundurën të parandalojnë integrimin e plotë të Ballkanit në Perëndim, të dobësojnë BE-në. Këto dy shtete po përdorin fushata shqetësuese të dezinformimit publik ku po aplikojnë edhe sulmet e ndryshme kibernetike.
