Kryetari i PDK-së, Memli Krasniqi, ka shprehur krenarinë dhe lumturinë e tij për hapjen zyrtare të negociatave për kapitujt e parë të Shqipërisë drejt anëtarësimit në Bashkimin Evropian.
Ai e cilësoi këtë moment si një kapitull historik dhe të merituar për Shqipërinë, që pasqyron përpjekjet dhe reformat e përgjegjshme të viteve të fundit.
Krasniqi theksoi se Shqipëria po tregon se me bashkëpunim dhe seriozitet, mund të arrihen rezultate të mëdha dhe të hapen perspektiva të reja për shtetin dhe shoqërinë.
Duke lidhur këtë sukses me Kosovën, ai vuri në dukje se me qeverinë e re, në krye me Bedri Hamzën, një perspektivë e tillë e ndritur mund të jetë e ardhmja edhe për vendin tonë.
Krasniqi përfundoi duke uruar Kryeministrin Rama dhe të gjithë qytetarët shqiptarë për këtë arritje të madhe. /Kosovatimes/
