Rizoto e viçit është një pjatë klasike gustator që gjendet shpesh në menunë tonë. Përgatiteni me ndihmën e kësaj recete, nuk do të zhgënjeheni.
Një pjatë klasike gustator
Përbërësit:
300 gr mish viçi
1 filxhan
oriz 1 kokë qepë të kuqe
2 thelpinj hudhër
1 karrotë
100 ml verë të bardhë
700 ml lëng pule ose ujë
50 gr djathë parmixhano të grirë
3-4 lugë vaj ulliri kripë
, piper
majdanoz i freskët ( për dekorim)
Përgatitja:
Lani mishin e viçit, thajeni dhe prisni në kubikë. Shtoni kripë dhe piper. Ngrohni vajin e ullirit në një tigan të thellë mbi nxehtësinë mesatare. Shtoni mishin e viçit dhe skuqeni deri në kafe të artë. Nxirreni dhe lëreni mënjanë. Në të njëjtin tigan shtoni qepën dhe hudhrën e grirë hollë dhe karotat e prera në feta. Skuqini perimet për disa minuta derisa të zbuten. Shtoni orizin, përzieni dhe skuqeni për 1-2 minuta, derisa të bëhet i qelqtë. Shtoni verën dhe përzieni derisa të pakësohet, pastaj gradualisht filloni të shtoni lëngun (ujin) duke e përzier vazhdimisht. Kur të jetë thithur i gjithë lëngu (rreth 20 minuta), shtoni rreth 1 dl më shumë. Shtoni mishin dhe gatuajeni për 5-10 minuta të tjera. Hiqeni rizoto nga zjarri dhe shtoni djathin parmixhano. Përziejini mirë dhe lëreni të qëndrojë për disa minuta. Para se ta servirni, spërkateni me majdanoz të freskët të grirë hollë.
