Nënkryetari i Prishtinës, Alban Zogaj, ka bërë të ditur se sot ka takuar Klaus Müller, drejtorin e Bankës Gjermane për Zhvillim (KfW) për Evropën Jug-Lindore, në Prishtinë, me ç’rast e ka falënderuar për mbështetjen e madhe që KFW i ka dhënë dhe po i jep projekteve të rëndësishme për kryeqytetin dhe Kosovën.
Zogaj ka theksuar se angazhimi i KFW në fushat e ngrohjes qendrore dhe menaxhimit të mbeturinave është thelbësor për të siguruar një të ardhme më të pastër dhe më të qëndrueshme për qytetarët tanë.
“Bashkë me Dr. Müller bëmë një ecje nëpër sheshin e Prishtinës deri tek Katedralja ‘Nënë Tereza’, ku nga kulla e katedrales i tregova pamjet mbresëlënëse të qytetit tonë që po zhvillohet me hapa të sigurt drejt së ardhmes”, ka shkruar Zogaj në Facebook. /Kosovatimes/
