Deputetja e LDK-së, Hykmete Bajrami ka reaguar ndaj deklaratave të qeverisë për papunësinë në Kosovë, duke vënë në dukje kontradiktat mes pohimeve të kryeministrit dhe të dhënave nga Banka Botërore.
“Sipas qeverisë, papunësia në vend ka rënë në 4%, por raporti i Bankës Botërore dhe Agjencia e Statistikave të Kosovës tregojnë një realitet tjetër: vetëm 37% e popullatës së aftë për punë janë të punësuar, duke e renditur Kosovën si vendin me nivelin më të lartë të papunësisë në rajon”, ka shkruar Bajrami.
Bajrami kritikoi qeverinë për mungesën e investimeve dhe për propagandën, ndërsa theksoi se rritja ekonomike prej 3.8% nuk mjafton për të krijuar vende të reja pune, veçanërisht për të rinjtë e papunë. /Kosovatimes/
