Zëvendëspresidentja e ShBA-së, Kamala Harris, ka dhënë një deklaratë pas vrasjes së liderit të Hamasit.
“Çdo terrorist që vret amerikanët, kërcënon popullin amerikan ose kërcënon trupat tona apo interesat tona, le ta dijë këtë, ne do t’ju sjellim gjithmonë para drejtësisë”, tha ajo, njofton Skynews.
Ajo shtoi se Izraeli ka “të drejtën për të mbrojtur veten” dhe kërcënimi që Hamasi paraqet për vendin duhet “të eliminohet”.
http://199.192.21.43/2024/10/17/izraeli-konfirmon-vrasjen-e-liderit-te-hamasit-ne-gaze
Ajo theksoi se vdekja e Sinwar-it ishte “përparim i qartë drejt këtij qëllimi”.
“Hamasi është shkatërruar dhe lidershipi i tij është eliminuar. Ky moment na jep një mundësi për t’i dhënë fund luftës në Gaza”, tha Harris, teksa shtoi se duhet të përfundojë me sigurimin e Izraelit, lirimin e pengjeve, përfundimin e vuajtjeve në Gaza dhe palestinezët duke realizuar “të drejtën e tyre për dinjitet”.
“Është koha që e nesërmja të fillojë pa Hamasin në pushtet. Ne nuk do të heqim dorë nga këto synime dhe unë gjithmonë do të punoj për të krijuar një të ardhme paqeje, dinjiteti dhe sigurie për të gjithë”, tha Harris.
