Presidentja e Kosovës, Vjosa Osmani po qëndron në SHBA, ku do të marrë pjesë në Samitin Ndërkombëtar për Lidershipin e Grave.
Në një postim në Facebook, e para e shtetit ka njoftuar se me Institutin Ndërkombëtar Republikan (IRI), ka diskutuar për gratë, paqen dhe sigurinë.
“Në Shtetet e Bashkuara të Amerikës për të marrë pjesë në disa aktivitete që lidhen me Agjendën për gratë, paqen dhe sigurinë. Sot filluam me Institutin Ndërkombëtar Republikan (IRI), ku diskutuam mbi bashkëpunimin në fushën e sigurisë, partneritetet, gratë, paqen dhe sigurinë, si dhe të ardhmen e Kosovës”, ka shkruar Osmani, teksa tha se është falënderuese si gjithnjë për ftesën dhe për diskutimin dinamik.
