Ministri pa portofol për bashkëpunim ekonomik ndërkombëtar dhe pozitën sociale të kishës në vend dhe jashtë saj, Nenad Popoviq, sonte ka takuar nënkryetarin e Këshillit të Federatës së Rusisë, Konstantin Kosaçov, dhe me atë rast ka theksuar se është e rëndësishme të ruajmë kujtimin e të parëve tanë që luftuan për liri në Luftën e Dytë Botërore dhe të jemi të denjë për ta.
Popoviq pas takimit me Kosaçovin tha se është i lumtur që delegacioni rus ka ardhur me rastin e festës së madhe.
“Ne jemi sot bashkë, ashtu siç kanë luftuar së bashku të parët tanë. Ushtria e Kuqe, së bashku me ushtrinë serbe, çliroi Beogradin, çliroi tërë Serbinë. Mijëra e mijëra ushtarë të Ushtrisë së Kuqe Ruse janë varrosur këtu dhe ne duhet të ruajmë kujtimet e paraardhësve tanë, të cilët mundën plagën më të madhe të shekullit të 20-të, Gjermaninë naziste”, tha ministri.
