Shkruan: Skënder MULLIQI
Secili popull angazhohet për të krijuar idealet për një jetë të mirë dhe shoqëri dinjitoze. Ende në këtë botë të trazuar ka popuj me logjiken dhe vetëdijen që janë pajtuar të jetojnë në një shoqëri të keqe, dhe jo reale. Në Serbi fatkeqësisht si e vetmja në rajon nuk kemi shoqëri të ndershme dhe demokratike. Të gjithë serbët kanë mendësinë mykur qe janë popull i privilegjuar dhe se atyre ju takojnë të gjitha drejtat e kësaj bote. Historikisht u treguan urrejtës të gjithçkaje që është shqiptare. Të gjithë popujve të tjerë mendojnë tua shesin dushkun për gogla. Kanë marrë qëndrim shumë negativ ndaj popujve jo serb në republikat e ish Jugosllavisë. Duke pasur një qasje të tillë destruktive edhe po krijojnë në mënyre permanente kriza për luftë në Ballkan, siç i kanë shkaktuar rregullisht luftërat në përmasa evropiane .Hulumtimet e bëra në Serbi, kanë treguar së kur bëhet fjalë për Kosovën, shumica janë të një mendjeje. Nuk kanë lëvizur nga qëndrimet e ngurta të nacional shovinizmit serbomadh. Nuk po e pranojnë normalizimin e marrëdhënieve më Kosovën në kuadër të dialogut si të barabartë, se po mendojnë që më metoda të agresivitetit ta kthejnë epokën e kohës se kaluar. Hapësirën e Kosovës po e shfrytëzojnë pushtetet në Serbi, për të pasur më gjatë dhe më shumë pushtet. Presidenti serb, Aleksander Vuqiq po sundon si dikur, në fund të viteve të tetëdhjetë të shekullit të kaluar – Sllobodan Millosheviq. Ky së bashku më garniturën e neoçetnikizmit janë bërë të pa prekshëm. Ata nga botëkuptimet ideologjike, po besojnë në Rusinë, e jo BE-në. Vuqiq po mashtron secilën herë e më shumë botën perëndimore, duke mbetur luajal përcaktimeve të konjukturës së Lindjes .Vuqiqi dhe më shumë Vulin e Dodik po mbajnë takime më miqtë e vjetër rus Lavrov dhe Putin. Këta po mbrojnë dhe po tentojnë të plasojnë kauzën për “botën ruse” dhe për “botën serbe”, e që donë të thotë luftë e përgjakshme më popujt jo sllavë. Gjermania dhe Franca nuk do të heqin dorë nga litiumi serb, edhe pse Vulin së fundmi foli ashpër për Perëndimin në një takim të përfaqësuesve të sigurisë së lartë të BRICS dhe vendeve partnere në Shën Petersburg. Kur bëhët fjalë për masat dhe synimet e fundit ndaj Kosovës të shpallura nga Vuqiq, i referohen Deklaratës se Parlamentit Gjithëserb të mbajtur në Beograd. Ky tubim është përjashtues ndaj bisedimeve që po mbahen për normalizim të marrëdhënieve, sepse shihet haptazi se nomenklaturën politike shoviniste në Serbi, nuk e shqetësojnë marrëveshjet e Brukselit dhe as plani”gjermano francez” në Oher, pra mos zbatimin e tij. Synimi i Serbisë të Vuqiqit është implementimi i Asociacionit vetëm më kompetenca ekzekutive së përmbrenda tij fshihet ndarja e Kosovës mbi baza etnike. Kryeministri I Kosovës, Albin Kurti nuk do të pranonte një variant të tillë që çmonton shtetësinë, sovranitetin dhe integritetin territorial të Kosovës. Po flitet për integrimin e Ballkanit Perëndimor, në kuadër të sfidave globale si lufta në Ukrainë, Lindje të Mesme por edhe ndryshimet e mundshme gjeopolitike. Edhe pse Plani për Ballkanin Perëndimor ofron rast të mirë për rajonin, që të bëhet pjesë e Bashkimit Evropian, Serbia është shteti i cili në vend të bashkëpunimit të mirëfilltë, po nxitë luftë të re në këtë pjesë nevralgjike të botës. Dihet së gjithë bashkëpunimin në këtë drejtim e ofron Procesi i Berlinit, më një gamë të gjerë temash, politike, ekonomike dhe kulturore brenda rajonit. Por, më një Serbi të pareformuar në Ballkan në mes,zor është të arrihen të gjitha këto objektiva të synuara. Rusisë dhe Serbisë nuk janë duke ju interesuar proceset pozitive të integrimeve rajonale dhe as Evropa e Bashkuar. Këto dy shtete autokratike më dy autokratë mizor si Putin dhe Vuqiq, po dëshirojnë ta kthejnë hegjemoninë e vjetër të bllokut të Lindjes.
