Kryeministri izraelit Benjamin Netanyahu tha se përpjekja e Hezbollahut të Iranit për ta vrarë atë dhe gruan e tij ishte një “gabim i rëndë”, pasi zëdhënësi i tij tha se një dron ishte nisur nga Libani në rezidencën e tij bregdetare.
Asnjë nga grupet që kanë sulmuar Izraelin gjatë vitit të kaluar nuk e kanë marrë përgjegjësinë për sulmin.
Ushtria izraelite raportoi më herët se një dron i nisur nga Libani u përplas në një ndërtesë në qytetin izraelit të Cezaresë, ku ndodhet rezidenca e pushimeve të kryeministrit Benjamin Netanyahu.
Zyra e Netanyahut tha se as ai dhe as gruaja e tij nuk ishin në vendpushimin bregdetar midis Tel Avivit dhe Haifës në kohën e sulmit.
“Ata do të paguajnë një çmim të lartë”
Askush nuk u lëndua në incident, tha ushtria. Dy objekte fluturuese pa pilot u ndaluan.
“Hezbollahu, një aleat i Iranit që u përpoq të më vriste mua dhe gruan time, bëri një gabim të madh”, tha Netanyahu në një deklaratë.
“Unë u them iranianëve dhe partnerëve të tyre në ‘boshtin e së keqes’: kushdo që përpiqet të dëmtojë qytetarët e shtetit të Izraelit do të paguajë një çmim të rëndë. Kjo nuk do të më pengojë mua, as shtetin e Izraelit, të vazhdojmë luftë e drejtë kundër armiqve tanë për të siguruar të ardhmen tonë”, tha ai.
