Sipas raportit të fundit nga Sistemi i Integruar për Monitorimin e Kulturave Ilegale (SIMCI) të Zyrës së Kombeve të Bashkuara për Kontrollin e Drogës dhe Krimin (UNODC), Kolumbia ka thyer çdo rekord të prodhimit të pastër të kokainës, duke shkuar nga 1,738 ton në 2022 në 2,664 ton në 2023, që barazohet me një rritje prej 53% gjatë 12 muajve të fundit.
Toka e kultivuar me koka u rrit me 10%, duke shkuar nga 230,000 hektarë në 253,000 hektarë.
Raporti Simci 2023 tregon se Peruja regjistroi një reduktim të lehtë në sipërfaqen e kultivuar me koka në 2023, Bolivia përfundoi një periudhë trevjeçare stabiliteti ndërsa Kolumbia pati një rritje të përgjithshme të prodhimit në 12 muajt e fundit në 16 nga 19 departamentet ku prodhohet ky lloj droge.
Mbi të gjitha bie në sy bumi në departamentet e Cauca dhe Nariño, që kufizohet me Ekuadorin, ndërsa 40% e zonave me zgjerimin më të madh të prodhimit të kokainës në 12 muajt e fundit janë të përqendruara në rajonin e Paqësorit.
