Shkruan: Shenoll MUHARrEMI
Ne kemi dëgjuar dhe lexuar disa indikatorë nga qeveria se si ekonomia po rritet me përmasa 30% dhe si punësimi po të mirë. Gjithashtu kemi parë që kemi një migrim apo ikje ekonomike të thellë gjatë viteve të fundit. Me siguri që ka disa përparime. Por Bizneset janë nën presion të thellë, sidomos me likuiditet. Qytetarët dhe familjet po ndihen nën presion tek arkat e marketeve. Faktet dhe numrat kryesor ekonomik, nuk janë aq të ‘mira’ sa pretendohet, as për së afërmi.
Sipas indikatorëve ekonomikë që po konfirmohen edhe nga Banka Botërore, VV duket që ka më legjitimitet me e drejtua ekonominë e Kosovës në qeverinë e ardhshme. Jemi të fundit me PBV për kokë banori, -46% nën mesatare rajonale (8,967 mesatarja, 6,142 Kosova).
Jemi të fundit me punësim në rajon, vetëm 37.1% punësim e mesatarja e rajonit është 48.5%. Gjithashtu me pjesëmarrje më të ulët në tregun e punës 54.5% në rajon 42.7% me gjithë këtë migrim masiv vitet e fundit që ka pasur moshën mesatare vitet 20ta.
Kemi gjendjen më të keqe me tregti gjithashtu, ku gjatë 2023 kemi importe në mallra 5.9 miliardë euro e vetëm 0.863 miliardë eksporte. Kjo nënkupton që kemi një deficit prej -5.037 miliardë euro.
Në gjithë këtë rrëmujë, kemi rënie për rreth 50% të investimeve publike kapitale nga buxheti publik gjatë viteve të fundit dhe rritje të politikave sociale. Nivel i varfërisë mbetet ndër më të lartat në rajon me 21.4% gjatë viti të fundit.
