NUMRI i fëmijëve të lindur në Itali po shkon drejt një rekord të ri negativ në vitin 2024, tha zyra e statistikave të vendit, duke vazhduar një rënie prej 16 vitesh dhe duke shënuar normën më të ulët të lindjeve që nga bashkimi i Italisë në 1861.
Rënia e natalitetit po shkakton alarm në vend, por pavarësisht se disa qeveri e kanë bërë prioritet, asnjëra nuk ka mundur ta ndalojë rënien.
Ndërmjet janarit dhe korrikut, lindën 4600 foshnja më pak se në të njëjtën periudhë të vitit të kaluar, që është një rënie prej 2.1 për qind, njoftoi instituti.
Në të gjithë vitin 2023 kanë lindur 379 890 fëmijë, gjashtë për mijë banorë. Kjo është 3,4 për qind më pak se në vitin 2022 dhe 34,1 për qind më pak se në vitin 2008, viti i fundit kur lindshmëria ishte pozitive.
Shkalla e fertilitetit prej 1.2
Të dhënat për shtatë muajt e parë të këtij viti tregojnë se shkalla e fertilitetit, ose numri mesatar i fëmijëve të lindur nga një grua, prej 1.2 është nën normën 2.1 që nevojitet për të mbajtur popullsinë stabile.
Demografia e Italisë për sa i përket potencialit për rritje ekonomike nga viti 2023 deri në vitin 2040 është më e keqja në Evropë dhe një popullsi në plakje është një kërcënim për qëndrueshmërinë e financave publike.
Të dhëna të tjera nga instituti tregojnë se gratë italiane mesatarisht lindin fëmijën e tyre të parë në moshën 31-vjeçare dhe se 42.2 për qind e foshnjave lindin nga gra të pamartuara, më shumë se 41.5 për qind vitin e kaluar.
