Kryetari i Prishtinës, Përparim Rama, u takua me Shaip Rexhepin, një punonjës shembullor dhe inspirues në Drejtorinë e Administratës, i cili, pavarësisht nga verbëria, është një shembull frymëzimi për të gjithë.
“Rexhepi shquhet për përkushtimin e tij në shërbimin ndaj qytetarëve, duke i lidhur me drejtorët përkatës me mirësjellje dhe përgjegjësi”, ka shkruar Rama.
Ky takim u zhvillua në kuadër të Javës Ndërkombëtare të Shkopit të Bardhë, ku Rama dhe Rexhepi diskutuan sfidat e komunitetit të personave të verbër dhe rëndësinë e përfshirjes sociale në krijimin e një qyteti më të qasshëm dhe gjithëpërfshirës. /Kosovatimes/
