Ministrja e Drejtësisë, Albulena Haxhiu, mori pjesë dje në edicionin e 10-të të “Shkollës Diplomatike për Diplomatët e Rinj” në Pejë, ku u takua me diplomatë të rinj nga vende të ndryshme të botës.
Gjatë takimit, Haxhiu prezantoi punën e bërë nga Kosova në drejtësinë tranzicionale, adresimin e krimeve të luftës dhe rëndësinë e diplomacisë humanitare.
Ajo theksoi përkushtimin e institucioneve të Kosovës për të ndjekur drejtësinë për viktimat e luftës dhe për të promovuar paqen dhe stabilitetin në rajon, duke vlerësuar rolin e diplomatëve të rinj në ndërtimin e marrëdhënieve ndërkombëtare. /Kosovatimes/
