Me qëllim që të rrisë aftësinë e reagimit dhe sigurisë në punë, KEDS-i simuloi zjarr në objektin e vet në Pejë që u bë në kuadër të Javës së Sigurisë në Punë.
“Sot në ambientet e ndërtesës së KEDS-it në Distriktin e Pejës, u realizua me sukses një simulim i zjarrit në ndërtesë dhe hapat e nevojshëm për evakuim dhe kërkim-shpëtim”, thuhet në njoftimin e KEDS-it të cilët kanë treguar se protagonistë të këtij simulimi ishin punëtorë ishin punëtorë të këtij distrikti.
“Zjarri i improvizuar në katin e lartë të ndërtesës bëri që punëtorët të evakuoheshin jashtë objektit dhe, përderisa reaguan, brenda disa minutash ishin në vendngjarje Policia e Kosovës, ekipit i Urgjencës së Pejës, Zjarrfikësit lokalë, pjesëtarë të KFOR-it, përfaqësues të institucioneve komunale, si dhe dhjetëra nxënës të këtij qyteti”, kanë treguar nga KEDS-i.
Kështu sipas tyre punëtorët edhe praktikisht mësuan si të reagojnë në rast zjarri dhe si të veprohet nëse dikush është i lënduar ose ka mbetur brenda.
Siç bëhet e ditur, ekipet e urgjencave të komunës kanë dhënë kontribut të madh që punëtorët e kompanisë të jenë më të sigurt dhe dinë si të veprojnë në rastet e emergjencave.
Ky simulim në Pejë ishte i treti me radhë pas Ferizajt e Prizrenit. /Kosovatimes/
