Ministri i Mbrojtjes Ejup Maqedonci ka takuar nikoqirin e SAHA Expo, Haluk Bayraktar.
Kreu i Ministrisë së Mbrojtjes ka shkruar se nga Bayraktar është njoftuar për inovacionet e Kompanisë Baykar në fushën e fluturakeve pa pilot si dhe sistemeve tjera për përdorim ushtarak dhe civil.
“U dakorduam për vazhdim të bashkëpunimit dhe eksplorim të mundësive të reja në interes të përbashkët”, ka shkruar Ministri i Mbrojtjes.
Me Kompaninë Baykar, Ministria e Mbrojtjes dhe Forca e Sigurisë së Kosovës tashmë kanë vendosur bashkëpunim strategjik dhe operacional që po mundëson fuqizimin e kapaciteteve luftarake. /Kosovatimes/
