Brokoli mund të përgatitet në mënyra të ndryshme, dhe nëse nuk e keni idenë se si, provoni këto petulla të thjeshta që mund t’i shërbeni me salcën tuaj të preferuar.
Përbërësit
Numri i servirjeve
6
1 kokë brokoli, e prerë në lule
1 vezë
3 lugë qepë të grirë
2 thelpinj hudhre
100 g djathë të grirë sipas dëshirës tuaj
2 lugë miell të thjeshtë
½ lugë çaji kripë
1 majë piper
½ lugë çaji rigon
Përgatitja
Përgatisni përzierjen
Ziejini lulet e brokolit për rreth 5 minuta derisa të zbuten, më pas i prisni në copa shumë të vogla. I përziejmë me vezën, qepën dhe hudhrën e grirë hollë, djathin, miellin dhe erëzat. Përziejini derisa masa të bashkohet mirë.
Formoni dhe piqni
Formoni masën në gjashtë petka dhe skuqini në një tigan me vaj që e keni ngrohur më parë në zjarr mesatar. I pjekim për 10 minuta duke i kthyer herë pas here në mënyrë që të piqen mirë. Shërbejeni me salcë sipas dëshirës tuaj.
