Real Madrid ka realizuar një kthesë spektakolare ndaj Borussia Dortmund, duke fituar me rezultat 5-2 në ndeshjen e së martës në kuadër të Champions League. Ndërkohë, Juventus është mposhtur me rezultat minimal nga Stuttgart, ndërsa Arsenal ka triumfuar ngushtë ndaj Shakhtar Donetsk.
Skuadra spanjolle ka qenë në disavantazh prej dy golash pas pjesës së parë, por ia ka arritur të shënojë pesë gola në pjesën e dytë për të siguruar fitoren.
Në “Santiago Bernabeu”, Borussia Dortmund ka kaluar në epërsi falë golave të Malen (30′) dhe Gittens (34′), duke mbyllur pjesën e parë me rezultat 2-0.
Megjithatë, në pjesën e dytë, Real Madrid është rikthyer fuqishëm, duke shënuar pesë herë përmes Rudiger (60′), Vinicius Junior (62′, 86′, 90+3′) dhe Lucas Vazquez (83′) për të siguruar fitoren e madhe 5-2.
Në Londër, një penallti e realizuar nga Leandro Trossard në minutën e shtatëdhjetë e shtatë i ka mjaftuar Arsenalit për ta mposhtur Shakhtar Donetsk me rezultat minimal 1-0.
Ndërkohë, Juventus është mposhtur nga Stuttgart me rezultat 0-1. Goli i vetëm i ndeshjes është shënuar nga Toure në kohën shtesë, duke i dhënë fitoren skuadrës gjermane.
REZULTATET E NDESHJEVE:
