Trajneri i Atletico Madrid, Diego Simeone, ka vlerësuar lart përkushtimin e Antoine Griezmann ndaj Kombëtares franceze, duke thënë se vendimi i tij për t`u tërhequr nga ekipi kombëtar do ta lejojë atë të japë më shumë për klubin.
Griezmann ka njoftuar pensionimin e tij nga “Les Bleus” muajin e kaluar, pas një dekade ku ndihmoi Francën të fitonte Kupën e Botës 2018 dhe të arrinte në finale më 2022.
“Besoj se Antoine i ka dhënë gjithë talentin, lojën dhe lidershipin e tij Francës. Ai ka fituar tituj, ka zhvilluar një stil loje që ka përparuar ekipin dhe ka dhënë gjithçka për vendin e tij deri ditën kur u tërhoq si një lojtar i jashtëzakonshëm”, ka thënë Simeone. “Po e njëjta gjë ka ndodhur edhe me ne. Tani që nuk do të ketë më ndeshje me Francën që rëndojnë në këmbët e tij, shpresojmë të shijojmë gjithë potencialin që ai ka”.
