Katër persona kanë mbetur të lënduar si pasojë e të shtënave me armë zjarri në rrugën “Lidhja e Pejës” në Prishtinë.
“Bazuar në informacionet e deritanishme raportohet për katër persona të lënduar, njëri prej të cilëve dyshohet të ketë marrë lëndime nga arma e zjarrit ndërsa tre të tjerë kanë pësuar lëndime gjatë përleshjes ku dyshohet të jenë përdorë mjete të forta”, konfirmon zëdhënësja e Policisë së Kosovës për rajonin e Prishtinës, Flora Ahmeti për RTKlive.
Ahmeti ka konfirmuar se janë arrestuar 13 të dyshuar.
“Deri tani nga ana e policisë janë identifikuar, arrestuar dhe dërguar në mbajtje 13 persona të cilët dyshohet të jenë të përfshirë në këtë rast që është cilësuar si vrasje në tentativë”, tha Ahmeti.
